Brahmaputra Times
শনিবাৰে জয়পুৰত এজন মুছলমান শাক-পাচলি বিক্ৰেতাক আক্ৰমণ কৰা এজন যুৱকক গ্ৰেপ্তাৰ কৰা হয়।
আৰক্ষীয়ে জনোৱা মতে, জয়পুৰৰ ব্ৰহ্মপুৰী অঞ্চলত অংশুল দধিচ নামৰ লোকজনে শ্বাহৰোজ নামৰ এজন মুছলমান শাক-পাচলি বিক্ৰেতাক আক্ৰমণ কৰে।
গ্ৰেপ্তাৰ হোৱা লোকজনে ছ’চিয়েল মিডিয়াত এই ঘটনাৰ ভিডিঅ’ আপলোড কৰে, য’ত তেওঁ শ্বাহৰোজ নামৰ শাক-পাচলি বিক্রি কৰা লোকজনক গালি-গালাজ কৰা আৰু তেওঁক ভাৰতীয় বুলি প্ৰমাণ কৰিবলৈ কোৱা দেখা যায়।
আনকি অভিযুক্তই তেওঁক বাংলাদেশী বুলিও আখ্যা দি উত্তৰ প্ৰদেশৰ বাসিন্দা শ্বাহৰোজক আক্ৰমণ কৰাৰ বাবে উদ্যত হয়।
ছ’চিয়েল মিডিয়াত ভিডিঅ’টো পোষ্ট কৰাৰ পিছতে অংশুলক ঘৰৰ পৰাই গ্ৰেপ্তাৰ কৰা হয় বুলি আৰক্ষীয়ে জানিবলৈ দিয়ে।
আৰক্ষীয়ে ভিডিঅ’টো বনোৱা বুলি অভিযোগ উত্থাপন কৰা হিম্মত সিঙকো গ্ৰেপ্তাৰ কৰে।
