Brahmaputra Times
পুনৰ হাইলাকান্দিত আটক এজন বাংলাদেশী নাগৰিক। হাইলাকান্দি জিলাৰ লালা আৰক্ষী চকীৰ অন্তৰ্গত ধনীপুৰ গাঁৱৰ পৰা আটক কৰা হৈছে বাংলাদেশী নাগৰিকজনক।
আটক হোৱা বাংলাদেশী নাগৰিকৰ নাম হৈছে এম ডি শ্যাম উদ্দিন। যোৱা ১২ বছৰৰ পৰা ভাৰতত বসবাস কৰি আছিল এই ব্যক্তি জনে। লালা ধনীপুৰ গাঁৱৰ তাজ উদ্দিন চৌধুৰীৰ ঘৰত বসবাস কৰি আহিছিল।
জানিব পৰা অনুসৰি তাজ উদ্দিনে নিজৰ পুত্ৰ বুলি পৰিচয় দি ১২ বছৰ ধৰি নিজ ঘৰতে আশ্ৰয় দিছিল এই বাংলাদেশী নাগৰিকক।
কিন্তু লালা আৰক্ষীয়ে কালি নিশা নীপুৰ গাঁৱৰ পৰা বাংলাদেশী নাগৰিক জনক আটক কৰাৰ তেওঁক আশ্ৰয় দিয়া তাজ উদ্দিন চৌধুৰীকো আটক কৰিছে।
ইতিমধ্যে লালা আৰক্ষীয়ে দুয়োজন লোকক আটক কৰি সোধাপোছা অব্যাহত ৰাখিছে।
