Brahmaputra Times
ডিজিটেল ডেস্ক : দেশৰ ৰাষ্ট্ৰপতি দ্ৰৌপদী মুৰ্মুৰ উপস্থিতিত নতুন দিল্লীত মঙলবাৰে ৭০ সংখ্যক ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠান অনুষ্ঠিত হয়। এই গাম্ভীৰ্যপূৰ্ণ অনুষ্ঠানটিত ভাৰতীয় তথা আঞ্চলিক ভাষাৰ চিনেমাৰ কেইবাটাও শিতানত ২০২২ বৰ্ষৰ ৰাষ্ট্ৰীয় বঁটা প্ৰদান কৰা হয়।
উক্ত অনুষ্ঠানত সুদীৰ্ঘ দিন ধৰি ভাৰতীয় চিনেমালৈ আগবঢ়োৱা উল্লেখযোগ্য বৰঙণিৰ বাবে অভিনেতা মিথুন চক্ৰৱৰ্তীক দাদা চাহেব ফাল্কে বঁটাৰে সন্মানিত কৰা হয়। এই সন্মান দেশৰ ৰাষ্ট্ৰপতি দ্ৰৌপদী মুৰ্মুৰ হাতৰ পৰা গ্ৰহণ কৰে অভিনেতাগৰাকীয়ে।
