শুকুৰবাৰে দিল্লী-এন চি আৰত বায়ু প্ৰদূষণৰ স্তৰ ‘অতি শোচনীয়’ শ্ৰেণীলৈ অৱনতি ঘটে । সমগ্ৰ অঞ্চলটোক বিষাক্ত ধোঁৱাই আৱৰি ধৰিছে । কেন্দ্ৰীয় প্ৰদূষণ আৰু নিয়ন্ত্ৰণ ব’ৰ্ড চি পি চি বিৰ মতে, ৰাজধানী দিল্লীত শুকুৰবাৰে পুৱা ৭.৩০ বজালৈকে গড় বায়ু গুণমান সূচক (AQI) হৈছে ৩৬১ ।

ৰাজধানীৰ বেছিভাগ এলেকাত 350-তকৈ অধিক বায়ু গুণমান সূচক ৰেকৰ্ড কৰা হৈছে । ইয়াৰ ফলত আৱাসীসকলৰ স্বাস্থ্যৰ প্ৰতি ভাবুকি আহি পৰিছে । পুৱাৰ ভাগত এ কিউ আই আলিপুৰত আছিল ৩৫৩, আনন্দ বিহাৰত ৩৯৫, অশোক বিহাৰত ৩৮৭, বাৱানাত ৩৯২, বুৰাৰী ক্ৰছিঙত ৩৯৫, চান্দনী চ’কত ৩৯৫, মথুৰা ৰোডত ৩৭১, ডঃ কৰ্ণী সিং শ্বুটিং ৰেঞ্জত ৩৭২, আই জি আই বিমানবন্দৰত ৩৭৫, আই টি অ’ত ৩৩৪, জাহাংগীৰপুৰীত ৩৯৪, লোধিৰ জৱাহৰলাল নেহৰু ষ্টেডিয়ামত ৩৪৩, লোধী ৰোডত ৩১৪, মুণ্ডকাত ৩৭৪, নজফগড়ত ৩২৯, নেহৰু নগৰত ৩৮৫, নৰ্থ কেম্পাছত ৩৯০, দ্বাৰকাত ৩৫২, ওখলা ফেজ ২ত ৩৬৯, পাঞ্জাৱী বাগত ৩৯২, ছাদিপুৰত ৩৮৮, ছোনিয়া বিহাৰত ৩৯৫, শ্ৰী অৰবিন্দ মাৰ্গত ৩১৪ আৰু ৱাজিৰপুৰত আছিল ৩৮৯ ।

পুৱা প্ৰায় ৭ বজাত আনন্দ বিহাৰত ৩৯৫ এ কিউ আই ৰেকৰ্ড কৰা হয় । আনহাতে, আয়া নগৰত ৩৫২, জাহাংগীৰপুৰীত ৩৯০ আৰু দ্বাৰকাত এ কিউ আই ৩৭৬ ত উপনীত হয় । এই সকলোবোৰ ক্ষেত্ৰত ‘অতি শোচনীয়’ বায়ুৰ গুণমানৰ স্তৰ উল্লেখ কৰা হৈছে । ইয়াৰ ফলত স্বাস্থ্যৰ বাবে গুৰুতৰ ভাবুকি আহিছে ।