পোহৰৰ উৎসৱ দিপাৱলীলৈ কেইটামান দিন বাকী থকা অৱস্থাত দিল্লীত বৃদ্ধি পাইছে বায়ু প্ৰদূষণৰ মাত্ৰা ৷ বিষাক্ত ধোঁৱা আৰু কুঁৱলীয়ে আৱৰি ধৰিছে ৰাজধানী দিল্লীৰ বহুতো অঞ্চল ৷ আনন্দ বিহাৰ অঞ্চলত বায়ুৰ গুণগত মান (AQI) পুৱা ৮.৩০ বজাত ৪৫৪ হৈছিল ৷ ইয়াক অতি বিপজ্জনক অৱস্থা বুলি গণ্য কৰা হয় ৷ দ্বাৰকা, ছেক্টৰ-৮ আদিত পুৱা ৮.৩০ বজাত AQI 311 লৈ অৱনমিত হৈছে, যিটো অতি দুৰ্বল বুলি কোৱা হৈছে ৷

ৰাষ্ট্ৰীয় ৰাজধানীৰ ITO ত পুৱা ৮.৩০ বজাত AQI 232 ত উপনীত হয়, ইয়াক দুৰ্বল শ্ৰেণীত অন্তৰ্ভুক্ত কৰা হয় ৷ একেদৰে জাহাংগীৰপুৰীত AQI 350, নেহৰুপাৰ্ক আৰু কাষৰীয়া অঞ্চলত AQI 254 লৈ অৱনমিত হৈছে ৷ ‘‘দিল্লীত বতৰ ঠাণ্ডা আৰু প্ৰদূষণৰ মাত্ৰা বৃদ্ধি পাইছে ৷ ৰাষ্ট্ৰীয় ৰাজধানীখনত প্ৰদূষণৰ মাত্ৰা বৃদ্ধি পোৱাৰ বাবে মানুহে মাস্ক পৰিধান কৰিবলগীয়া হৈছে ৷’’ দিল্লীৰ এগৰাকী বাসিন্দাই এইদৰে কয় ৷

কেন্দ্ৰীয় প্ৰদূষণ নিয়ন্ত্ৰণ ব’ৰ্ডৰ মতে AQI অতি বিপজ্জনক হিচাপে চিহ্নিত হোৱা ঘটনাই মানুহৰ স্বাস্থ্যত প্ৰভাৱ পেলাব পাৰে ৷ ইতিমধ্যে যিসকল লোক ৰোগগ্ৰস্ত হৈ আছে তেওঁলোক অধিক আক্ৰান্ত হোৱাৰ সম্ভাৱনা থাকে ৷ AQI দুৰ্বল হিচাপে চিহ্নিত হ’লে সৰহ সংখ্যক লোক শ্বাস-প্ৰশ্বাসজনিত সমস্যাৰ সন্মুখীন হয় ৷ একেদৰে AQI অতি দুৰ্বল হ’লেও দীৰ্ঘসময়লৈ শ্বাস-প্ৰশ্বাসৰ সমস্যা হ’ব পাৰে ৷