গোৰেশ্বৰ, ৩০আগষ্টঃ অসমৰ বিদেশী বহিস্কাৰ আন্দোলনৰ নেতা তথা অ গ প দলৰ গোৰেশ্বৰ আঞ্চলিকৰ প্ৰাক্তন সভাপতি , তামুলপুৰ জিলা সমিতৰ সভাপতি ,গোৰেশ্বৰ ব্যৱসায়ী সমিতিৰ প্ৰতিষ্ঠাপক সভাপতি তথা বিশিষ্ট সমাজকৰ্মী ভৈৰৱ ডেকাৰ (৬৮)আজি আবেলি গোৰেশ্বৰ কৃষ্ণ নগৰৰ নিজাবাসভৱনত হৃদৰোগত আক্ৰান্ত হৈ মৃত্যু হয় ৷ জানিব পৰামতে তেওঁ দীৰ্ঘদিনৰ পৰা মধুমেহ ৰোগত আক্ৰান্ত আছিলো । ডেকাই পৰিয়িলৰ লগত একেলগে দুপৰীয়া আহাৰ গ্ৰহণ কৰি ঘৰৰ চোফাত বহি জিৰণি লৈ থকা সময়তেই হৃদৰোগত আক্ৰান্ত হৈয়ে শেষ নিশ্বাস ত্যাগ কৰে ৷ আপোচবিহীন জাতীয়তাবাদী ,মিত্যভাষী ভৈৰৱ ডেকাই গোৰেশ্বৰ নগৰত ডেকা ফাৰ্মাচী দি ঔষধৰ ব্যৱসায় কৰি আহিছিল । অকল তেওঁ নিজৰ ব্যৱসায়ীৰ লগত জড়িত নেথাকি সমাজ সেৱাৰ কামতো বিশেষভাবে জড়িত আছিল ৷ ডেকাৰ মৃত্যুৰ খৱৰ বিয়পি পৰাৰ লগে লগে এলেকাটোত গভীৰ শোকৰ ছাঁ পৰে৷ডেকাৰ মৃত্যুত কমলপুৰ সমষ্টিৰ প্ৰাক্তন বিধায়ক তথা অ গ প দলৰ সম্পাদক সত্যব্ৰত কলিতা ডেকাৰ মৃত্যুত গভীৰ শোক প্ৰকাশ কৰি শোকসন্তপ্ত পৰিয়ালক গভীৰ সমবেদনা জনায়৷ লগতে এক শোকবাৰ্তাত প্ৰাক্তন বিধায়ক কলিতাই অ গপ দলে এজন নিষ্ঠাবান কৰ্মীক হেৰুৱালে বুলি কয় ৷ অ গ পৰ ৰঙিয়া জিলা সমিতিৰ প্ৰাক্তন সম্পাদক নীলকণ্ঠ ডেকা, গোৰেশ্বৰ ব্যৱসায়ী সমিতি সভাপতি ফুলন নাগ আৰু সম্পাদক সুৰেন নাৰ্জাৰী আক্ৰাছুৰ শংকৰ ৰাজবংশী গৰিয়া মৰিয়া দেশী জাতীয় পৰিষদৰ জালালুদ্দিন আহমেদ,গোৰেশ্বৰ সাহিত্য সভাকে ধৰি বিভিন্ন ব্যক্তি আকু দল সংগঠনে গভীৰ শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰে । মৃত্যুৰ সময়ত তেওঁ পত্নী আৰু দুজন পুত্ৰ ইহসংসাৰত এৰি থৈ যায় ৷
জনতা ভৱনত ধৰা পৰা খকুৱা পাৰ্থৰ ঘৰত টকাৰ উজান, উদ্ধাৰ হ’ল ৪৭ লাখ
ডিজিটেল ডেস্কঃ এইবাৰ অসম চৰকাৰৰ বৰঘৰতে হাত দাঙিলে এজন আবকাৰী বিষয়াই ৷ ৰাজ্য প্ৰশাসনৰ হৃদপিণ্ড জনতা ভৱনতে হাত দাঙিলে এজন আবকাৰী বিষয়াই । অভিযুক্ত ঘোচখোৰ আবকাৰী বিষয়াজন পাৰ্থ হাজৰিকা ৷…