Brahmaputra Times
ডিজিটেল সংবাদ: ‘খাটিখোৱা মানুহে ভাষা জীয়াই ৰাখে’- অসমীয়া ভাষাই ধ্ৰুপদী ভাষাৰ স্বীকৃতি লাভ কৰাৰ পাছত সন্তুষ্টি ব্যক্ত কৰি এইদৰে মন্তব্য কৰে কথাশিল্পী তথা পদ্মশ্ৰী ইমৰান শ্বাহে। তেওঁ লগতে কয় যে, অসমীয়া ভাষাই ধ্ৰুপদী ভাষাৰ স্বীকৃতি পোৱাৰ পাছত এতিয়া অসমীয়াৰ দায়িত্ব আৰু বাঢ়িল।
অসমীয়া ভাষাটো বহু প্ৰাচীন। অথচ অসমীয়া ভাষাই বিভিন্ন সময়ত সংকটৰ সন্মুখীন হৈছে। গতিকে এতিয়া অসমীয়া সজাগ হ’ব লাগিব। অসমীয়া লোকে নিজৰ ৰাজ্যতেই হওঁক বা আন ঠাইতেই হওঁক মত বিনিময় কৰোতে প্ৰথমে আন ভাষা ব্যৱহাৰ কৰাতকৈ প্ৰথমে অসমীয়া ভাষাকেই ব্যৱহাৰৰ কৰিব লাগে বুলি মন্তব্য কৰে বিশিষ্ট কথা শিল্পী গৰাকীয়ে।
উল্লেখ্য যে, ভাৰত চৰকাৰে, চলিত বৰ্ষৰ ৩ অক্টোবৰত অসমীয়া ভাষাক ধ্ৰুপদী ভাষা হিচাপে স্বীকৃতি দিয়াত সন্তুষ্টি প্ৰকাশ কৰিছে অসম সাহিত্য সভাৰ প্ৰাক্তন সভাপতিগৰাকীয়ে।
