ডিজিটেল ডেস্ক: পুনৰ চৰ্চাত তৃপ্তি ডিমৰী, এইবাৰ পিছে ব’ল্ড লুক বা অভিনয়ক লৈ নহয়। শেহতীয়াকৈ অনুৰাগীৰ ৰোষত পৰিছে তৃপ্তি ডিমৰী। ক্ষুব্ধ অনুৰাগীয়ে তৃপ্তিৰ মুখত সানিলে ক’লা ৰং। জানিব পৰা মতে, তৃপ্তিয়ে জয়পুৰত এক বিশেষ অনুষ্ঠানত উপস্থিত নথকাৰ বাবেই একাংশ মহিলাই তৃপ্তিৰ মুখত সানিলে ক’লা ৰং।

জয়পুৰ ফিকি এফএলঅ’এ (ফেডাৰেচন অফ ইণ্ডিয়ান চেম্বাৰ অফ কমাৰ্চ এণ্ড ইণ্ডাষ্ট্ৰী লেডিজ অৰ্গেনাইজেচন)ৰ মহিলা উদ্যোগীসকলে মহিলা সৱলীকৰণ সন্দৰ্ভত জেএলএন মাৰ্গৰ এখন হোটেলত কেইদিনমান পূৰ্বে এক বিশেষ অনুষ্ঠানৰ আয়েজন কৰিছিল।য’ত তেওঁলোকে মুখ্য অতিথি হিচাপে তৃপ্তিক আমন্ত্ৰণ জনাইছিল ইয়াৰ বাবদ তৃপ্তিয়ে মোটা আগধন লৈছিল যদিও অনুষ্ঠানত উপস্থিত নহ’ল।

তৃপ্তিয়ে প্ৰখ্যাত ডিজাইনাৰ মণীষ মলহোত্ৰাৰ এটা ফেশ্চন শ্ব’ত অংশগ্ৰহণ কৰাৰ বাবে জয়পুৰৰ অনুষ্ঠানটো বাতিল কৰে। ইয়াতে তীব্ৰ অসন্তুষ্টি প্ৰকাশ কৰি উদ্যোক্তাসকলে তৃপ্তিৰ ফটোত ক’লা ৰং সানি তেওঁৰ মুক্তিৰ অপেক্ষাত থকা ছবি ‘বিকি বিদ্যা কা ৱ’ ৱালা ভিডিঅ’ উপভোগ নকৰিবলৈ সকলোকে আহ্বান জনায়। সম্প্ৰতি ছ’চিয়েল মেডিয়াত এটা ভিডিঅ’ ভাইৰেল হৈছে, য’ত উদ্যোক্তাসকলে তৃপ্তিৰ মুখত ক’লা ৰং সনা তথা তেওঁক সকীয়নি দিয়াটো স্পষ্টকৈ দেখা গৈছে।