প্ৰাক্তন মন্ত্ৰী নগেন নেওগ হত্যাকাণ্ড গোচৰত দোষমুক্ত হ’ল অমৰ সিং। উচ্চতম ন্যায়ালয়ত এই গোচৰ সন্দৰ্ভত চিবিআয়ে আৱেদন দাখিল কৰিছিল। উচ্চ ন্যায়ালয়ে এই গোচৰত প্ৰথমে দোষমুক্ত কৰিছিল অমৰ সিং ওৰফে অৰূপ কোঁৱৰক। উচ্চ ন্য়ায়ালয়ৰ এই ৰায়ৰ বিৰুদ্ধে চিবিআই উচ্চতম ন্যায়ালয়ৰ কাষ চাপিছিল ।

উল্লেখ্য যে, কিছু দিনৰ পূৰ্বে চিবিআয়ে আটক কৰিছিল অমৰ সিঙক। অৱশ্যে পিছদিনাই ন্যায়ালয়ে তেওঁক জামিনত মুকলি কৰি দিছিল। তাৰপাছতে উচ্চতম ন্যায়ালয়ৰ এই গোচৰৰ শুনানিত সো শৰীৰে উপস্থিত হৈছিল অমৰ সিং। বুধবাৰে উচ্চতম ন্যায়ালয়ে ৰায় প্ৰদান কৰে। ৰায়ত ন্যায়ালয়ে দোষমুক্ত ঘোষণা কৰে প্ৰাক্তন আলফা সদস্য গৰাকীক। এইখিনিতে উল্লেখ কৰা প্ৰয়োজন যে, নগেন নেওগ বৰ্তমানৰ বিত্ত মন্ত্ৰী অজন্তা নেওগৰ স্বামী।