Brahmaputra Times
ৰাজ্যজুৰি ট্ৰেডিং কেলেংকাৰী সন্দৰ্ভত চলি থকা তীব্র চৰ্চাৰ মাজতে এইবাৰ এই সন্দৰ্ভত প্ৰতিক্ৰিয়া প্ৰকাশ কৰিছে জনপ্ৰিয় অভিনেত্ৰী নিশিতা গোস্বামীয়ে।
আজি ৰঙিয়াত অনুষ্ঠিত হোৱা এক অনুষ্ঠানত অংশ লৈ অভিনেত্ৰী গৰাকীয়ে কয় যে এনেকুৱা ঘটনা আজিৰ নহয়। আমি আগতে এনেকুৱা ঘটনা শুনিছোঁ। কোনোবাই ইমান কোটি টকা লৈ পলাল।
তেওঁ কয়, ‘মই ভাবোঁ আমাৰ দায়িত্ব আমি নিজে দায়িত্বশীল হোৱাটো খুব দৰকাৰী। নিজৰ সাচতীয়া ধনখিনি কাৰোবাক নজনাকৈ আগবঢ়াই দিয়াটো আমাৰ ভুল। ক’ভিডৰ পিছত অপৰাধবোৰ বাঢ়িছে। নিজেও জানো লগতে আমাৰ মা-দেউতাহঁতে আমাক কয়, নিজৰ সাঁচতীয়া ধনখিনি গোটালে LIC কৰক, SIP কেইটামান কৰক, সেইকেইটাই সুবিধা দিব। সেই কেইটাৰ দ্বাৰা আমাৰ টোপনি নিশ্চয় ভাল আহিব, শান্তিত আমি টোপনি যাওঁ। ‘
ইফালে যিখিনিয়ে এতিয়া ট্ৰেডিঙত ধন বিনিয়োগ কৰিছে। যিয়ে নহওঁক তেওঁলোকে কষ্টৰ ধন বিনিয়োগ কৰিছে। তেওঁলোকে মানসিকভাৱে ভাগি পৰিছে। মানসিক ভাৱে তেওঁলোক কষ্টত আছে। তাৰ দ্বাৰা আমি শিক্ষা লোৱা দৰকাৰ। এনেকে নিজৰ ধনখিনি আগবঢ়ায় দিয়াৰ আগতে দহবাৰ ভবাটো দৰকাৰ বুলিও মন্তব্য কৰে।
আনহাতে তেওঁ লগতে কয়, ‘quick money লৈ আচলতে একো লাভ নাই। লোভেই পাপ, quick money ৰ লোভত পৰি আমি এনেকুৱা কাম কৰোঁ। আৰু তেনেকুৱা ক্ষেত্ৰত এনেধৰণৰ ঘটনা বিলাক ঘটে।’
