কাইলৈৰ পৰা পুনৰ সলনি হ’ব বিদ্যালয়ত পাঠদানৰ সময়। সৰ্বশিক্ষা অভিযান মিছন, কামৰূপ (মহানগৰ)একামৰূপ মহানগৰৰ শিক্ষানুষ্ঠানলৈ গুৰুত্বপূৰ্ণ নিৰ্দেশনা প্ৰদান কৰিছে।
১ অক্টোবৰ অৰ্থাত মঙলবাৰৰ পৰা পুনৰ পূৰ্বৰ স্বাভাৱিক সময়ৰ পৰাই পাঠদান হ’ব। কামৰূপ (মহানগৰ)ৰ বাবে এই নিৰ্দেশনা জাৰি কৰা হৈছে।
উল্লেখ্য যে, উকট গৰমৰ বাবে বিদ্যালয়সমূহৰ পাঠদানৰ সময়সূচী সলনি কৰিছিল প্ৰশাসনে। অস্বাভাৱিক হাৰত বৃদ্ধি পোৱা গৰমৰ বাবে যোৱা ২৩ ছেপ্তেম্বৰত বিদ্যালয় বন্ধ ঘোষণা কৰিছিল মহানগৰ প্ৰশাসনে।
কিন্তু ২৪ ছেপ্তেম্বৰত পুনৰ পাঠদানৰ সময়সীমা পুৱা ৭.৩০ বজাৰ পৰা দুপৰীয়া ১২.৩০ বজালৈ হ’ব বুলি জনাইছিল প্ৰশাসনে। কিন্তু গৰমৰ মাত্ৰা হ্ৰাস পোৱাৰ বাবে প্ৰশাসনে পুনৰ বিদ্যালয়ৰ পাঠদান পূৰ্বৰ সময়সীমাকে নিৰ্ধাৰণ কৰে।
স্মৰ্তব্য যে, ২৮ ছেপ্তেম্বৰত সৰ্বশিক্ষা অভিযান মিছন, কামৰূপ (মহানগৰ)এ বিদ্যালয়ৰ পাঠদানৰ সময় সন্দৰ্ভত নিৰ্দেশনা জাৰি কৰিছিল।