কাছাৰৰ শিলকুড়িত সংঘটিত হৈছে এক চাঞ্চল্যকৰ ঘটনা। গছৰ একেটা ডালত চিপ লৈ প্ৰেমিক-প্ৰেমিকাই আত্মহত্যা কৰা ঘটনাই অঞ্চলজুৰি তীব্ৰ প্ৰতিক্ৰিয়াৰ সৃষ্টি কৰিছে।

ঘটনাৰ খবৰ লাভ কৰাৰ পিছতে আৰক্ষীয়ে ঘটনাস্থলীত উপস্থিত হৈ মৃতদেহ দুটা উদ্ধাৰ কৰিছে৷

জানিব পৰা অনুসৰি, শিলকুড়ি মহাঋষি কলেজৰ পিছফালে থকা এডাল গছৰ ডালত প্ৰেমিক-প্ৰেমিকা দুজনে চিপ লৈ থকা অৱস্থাত প্ৰতোক্ষ কৰি স্থানীয় লোকে আৰক্ষীক খবৰ দিয়ে৷

লগে লগে আৰক্ষী ঘটনাস্থলত উপস্থিত হৈ মৃতদেহ দুটা উদ্ধাৰ কৰে। মৃতদেহ পৰিয়ালৰ লোকে চিনাক্ত কৰিছে৷

প্ৰেমত ব্যৰ্থ হৈ দুয়োজনে আত্মহত্যাৰ দৰে চৰম সিদ্ধান্ত লোৱা বুলি আৰক্ষীয়ে প্ৰাথমিক তদন্তত সন্দেহ প্ৰকাশ কৰিছে। অৱশ্যে আৰক্ষীয়ে ঘটনাৰ প্ৰকৃত কাৰণ জানিবলৈ তদন্ত অব্যাহত ৰাখিছে।