Brahmaputra Times
ডিজিটেল সংবাদ, লাহোৱালঃ শিক্ষক দিৱস (Teachers’ Days) বহু দেশত শিক্ষকসকলৰ সন্মানাৰ্থে পালন কৰা এটা দিৱস। এই দিনত শিক্ষকসকলক সন্মান প্ৰদৰ্শন কৰাৰ লগতে শৈক্ষিক ক্ষেত্ৰ বা সমাজলৈ তেওঁলোকৰ অৱদানৰ বাবে পুৰস্কৃত কৰা হয়। দেশভেদে শিক্ষক দিৱস আয়োজন কৰা দিনটো ভিন ভিন।
প্ৰখ্যাত শিক্ষাবিদ আৰু পূৰ্বৰ ৰাষ্ট্ৰপতি ড০ সৰ্বেপল্লী ৰাধাকৃষ্ণণৰ সোঁৱৰণত দেশত তেখেতৰ জন্মৰ দিনটোতে শিক্ষক দিৱস পালন কৰা হয়। আজি লাহোৱাল এছ কে এছ ইংলিছ একাডেমিত উদ্যাপন কৰা হয় শিক্ষক দিৱস। প্ৰখ্যাত শিক্ষাবিদ আৰু প্ৰয়াত ৰাষ্ট্ৰপতি ড০ সৰ্বেপল্লী ৰাধাকৃষ্ণণৰ প্ৰতিছবিত মাল্যাপৰ্ণ আৰু বন্তি প্ৰজ্বলন কৰে এছ কে এছ ইংলিছ একাডেমিৰ মুখ্য পৰিচালন সঞ্চালক ড০ দয়ানন্দ শ্বাহে।
শিক্ষক দিৱসৰ লগত সংগতি ৰাখি ছাত্ৰ-ছাত্ৰী সকলৰ মাজতো বিভিন্ন প্ৰতিযোগিতা অনুষ্ঠিত কৰা হয়। ইয়াৰ উপৰিও একাডেমি খনৰ প্ৰতিজন শিক্ষকক একোখনকৈ ফুলাম গামোছা আৰু এটিকৈ টোপোলাৰে পবিত্ৰ দিনটোত পুৰস্কাৰ আগবঢ়ায় এছ কে এছ ইংলিছ একাডেমিৰ কৰ্তৃপক্ষই।
