Brahmaputra Times
মঙলবাৰে পুৱতি নিশা তিনিচুকীয়া বাইপাছত শোকাৱহ দুৰ্ঘটনা সংঘটিত হয়। দুৰ্ঘটনাটোত থিতাতে নিহত হয় বাহনখনত থকা ৪ গৰাকী লোক আৰু আহত হয় দুগৰাকী মহিলা ৷ জানিব পৰা মতে, পথৰ দাঁতিৰ দ খালত বাগৰি পৰে চাৰিচকীয়া বাহনখন।
উল্লেখ্য যে, নিহত হোৱা যাত্ৰী চাৰিজনৰ ভিতৰত আছিল এটি শিশুও। ইফালে নিহত লোক কেইজনৰ দুজন বৰডুবিৰ আৰু দুজন বিহাৰৰ । AS 06 AA 2583 নম্বৰৰ মাৰুতি চুইফট্ বাহনখনেৰে ডিব্ৰুগড় ৰে’লৱে ষ্টেচনৰ পৰা তিনিচুকীয়ৰ বৰডুবিলৈ আহি থকাৰ সময়তে পুৱা সংঘটিত হয় পথ দুৰ্ঘটনাটো ।
তেওঁলোক আহি থকা বাহনখন পথৰ কাষৰ দ খালত বাগৰি পৰে ৷ দুৰ্ঘটনাটোত নিহত লোককেইজন বৰডুবিৰ মহন শ্বাহ, মণ্টু শ্বাহ আৰু বিহাৰৰ অৰ্থ গুপ্তা, ৰাজেশ গুপ্তা ৷
ঘটনাস্থলীত আৰক্ষী উপস্থিত হৈ মৃতদেহ কেইটা মৰণোত্তৰ পৰীক্ষাৰ বাবে তিনিচুকীয়া অসামৰিক চিকিৎসালয়লৈ প্ৰেৰণ কৰিছে। লগতে উদ্ধাৰ কৰিছে বাহনখন ৷ সমান্তৰালভাৱে আঘাতপ্ৰাপ্ত পৰিয়ালৰে দুই মহিলাক চিকিৎসালয়ত ভৰ্তি কৰা হৈছে
