চিপিআই এম-এলৰ বিশ্বনাথ জিলা সমিতিয়ে জিলা আয়ুক্তৰ জড়িয়তে আজি ৰাজ্যৰ মুখ্য সচিবলৈ এখন পত্ৰ প্ৰেৰণ কৰিছে। চি পি আই এম-এলৰ বিশ্বনাথ জিলা সমিতিয়ে কয় যে বিশ্বনাথ জিলাৰ ৰতোৱা টোলগেটত ৩০ কিঃ মিঃ দুৰত্বলৈকে থকা লোকে এদিনত ১০ বাৰো টোলগেট পাৰ হৈ অহা-যোৱা কৰিব লাগিব। আকৌ কোনোবা হয়তো মাহত এবাৰ বা দুবাৰহে যাবলগীয়া হ’ব। মাহেকীয়া কৰ দিয়াৰ ব্যৱস্থা থাকিলেও যিসকলে মাহত এবাৰ যায় বা এবাৰো নাযায় তেওঁলোকে অযথা কৰ দি থাকিব লাগিব। ঘনাই যাবলগীয়া লোকসকলৰো সকলোৱেই ব্যৱসায় বা টকা অৰ্জনৰ বাবে নাযায়। বন্ধু-বান্ধৱ বা পৰিয়ালৰ লোক থকা সূত্ৰেই যাবলগীয়া হয়। দুয়োটা ক্ষেত্ৰতে কৰ দিবলগীয়া হোৱাটো চাৰিশৰীয়া পথৰ নামত স্থানীয় লোকৰ ওপৰত হাৰাশাস্তি কৰা হ’ব। সেয়েহে ৩০ কিঃ মিঃ দুৰত্বলৈকে টোল টেক্স মাফ কৰা আৰু টোলগেটত স্থানীয় নিবনুৱা যুৱক-যুৱতীক নিযুক্তি দিব লাগিব৷ দলটোৱে আৰু কয় যে বিজেপি চৰকাৰে অত্যাৱশ্যকীয় সামগ্ৰীৰ মূল্যবৃদ্ধিৰে সাধাৰণ ৰাইজক কোঙা কৰি ৰাখিছে আৰু লগতে বিভিন্ন কৰ দি দি মানুহ জুৰুলা হৈ পৰিছে। ভূতৰ ওপৰত দানহ পৰাদি স্থানীয় ৰাইজে গাড়ীত অহা-যোৱাৰ বাবদ যদি এই টোল কৰ দিব লগা হ’য় তেন্তে স্থানীয় লোক আন এক ভয়ংকৰ পৰিস্থিতিৰ সন্মুখীন হ’ব। অসমৰ অন্য জিলাৰ টোলগেট সমূহত বৰ্হিঃৰাজ্যৰ লোক আনি কাম কৰোৱা হৈছে। ৰতোৱা টোলগেটত বৰ্হিঃৰাজ্যৰ লোকৰ নিযুক্ত নিদিবলৈ দাবী জনালো। স্থানীয় ৰাইজৰ সুবিধাৰ্থে বিশ্বনাথ জিলাৰ ৰতোৱা টোলগেটৰ পৰা কমেও ৩০ কিঃ মিঃ দুৰত্বৰ ভিতৰত থকা স্থানীয় মানুহৰ পৰা গাড়ীৰ বাবদ টোলগেটত কৰ সংগ্ৰহ কৰাৰ পৰা বিৰত থকা আৰু স্থানীয় নিবনুৱা যুৱক-যুৱতীক নিযুক্তি দিয়াৰ ব্যৱস্থা কৰিব লাগে।
জনতা ভৱনত ধৰা পৰা খকুৱা পাৰ্থৰ ঘৰত টকাৰ উজান, উদ্ধাৰ হ’ল ৪৭ লাখ
ডিজিটেল ডেস্কঃ এইবাৰ অসম চৰকাৰৰ বৰঘৰতে হাত দাঙিলে এজন আবকাৰী বিষয়াই ৷ ৰাজ্য প্ৰশাসনৰ হৃদপিণ্ড জনতা ভৱনতে হাত দাঙিলে এজন আবকাৰী বিষয়াই । অভিযুক্ত ঘোচখোৰ আবকাৰী বিষয়াজন পাৰ্থ হাজৰিকা ৷…