কণ্ঠশিল্পী ৰাজীৱ শদিয়াৰ মৃত্যুৰ পাছতে গায়ক জুবিন গাৰ্গে কৰা এক মন্তব্যক লৈ ৰাজ্যত তীব্ৰ প্ৰতিক্ৰিয়াৰ সৃষ্টি হৈছে৷ বিতৰ্কিত মন্তব্য প্ৰদান কৰি খুজি কিল খোৱাৰ দৰে হৈছে জুবিন গাৰ্গৰ৷ গণশিল্পী ৰাজীৱ শদিয়াৰ মৃত্যুৰ তিনি পিছত মাথো চাৰিটা শব্দৰে শ্ৰদ্ধাঞ্জলি জ্ঞাপন কৰা জুবিন গাৰ্গে কালি সংবাদমাধ্যমৰ সন্মুখত বিতৰ্কিত মন্তব্য কৰিছিল৷ জুবিন গাৰ্গে ৰাজীৱক উদ্দেশ্যে কয় যে ‘তাক মই ভালকৈ লগ পোৱা নাই। কিন্তু জাতি-মাটিৰ কাৰণে গান ময়ো গাইছো।’ এগৰাকী মৃত লোকক হেয় প্ৰতিপন্ন কৰিব খোজাৰ অভিযোগ উত্থাপন হৈছে৷ প্ৰয়াত লোকগৰাকীৰ প্ৰত্যাহ্বান জনাই ময়ো জাতিৰ বাবে গীত গাইছো বুলি কোৱাত জুবিন গাৰ্গক একাংশ লোকে ধুই পেলাইছে৷ ইপিনে জুবিন গাৰ্গে ৰাজীৱক নাজানো বুলি কোৱা কথাষাৰ আছিল সম্পূৰ্ণ মিছা৷ কিয়নো ২০১৪ চনত ৰাজীৱ শদিয়া আৰু জুবিন গাৰ্গে একেলগে কাম কৰিছিল৷ কিয়নো ২০১৪ চনত এচি প্ৰকাডচন বাণীবদ্ধ কৰা বিহুগীতৰ অভিঅ’ চিডি ‘জীয়া নৈ’ নিৰ্মাণ কৰিছিল অণ্টু চাউদাং আৰু ৰাজীৱ শদিয়াই৷ লগতে তাৰ সংগীত আছিল ৰাজীৱ শদিয়াই৷ ‘জীয়া নৈ’ত গীত গাইছিল খোদ জুবিন গাৰ্গে৷ ২০১৪ চনৰ ৪ ডিচেম্বৰত খোদ বিহুগীতৰ অভিঅ’ চিডি ‘জীয়া নৈ’ কভাৰ ফেচবুকত পোষ্ট কৰিছিল জুবিন গাৰ্গে৷ সেইগৰাকী জুবিন গাৰ্গে ৰাজীৱ শদিয়াক চিনি নাপাও বুলি কোৱা দাবীক ৰাইজে সহজে ল’ব পৰা নাই৷ ৰাজীৱ শদিয়াৰ গুৱাহাটীৰ গ্লেমাৰ শিল্পীয়ে ভালকৈ শোক প্ৰকাশ কৰাৰ পৰা আতৰি থকা পৰিলক্ষিত হৈছে৷ অসমৰ লক্ষ লক্ষ নেটিজেনে জুবিনে ৰাজীৱক চিনি নাপাও বুলি কোৱাত উভটি ধৰি পুৰণি ফেচবুক পোষ্ট ভাইৰেল কৰি কৰিছে কেইবাটাও প্ৰশ্ন৷ জুবিন গাৰ্গক মদাহী আখ্যা দিছে একাংশ লোকে৷ চৰকাৰৰ বৰঘৰৰ গায়ক আখ্যা দিছে আন একাংশই৷ জুবিনক থকাসৰকা কৰি একাংশই কয় যে জুবিনৰ অহংকাৰ হৈছে।